Pas një mbrëmjeje të gjatë dhe plot diskutime në shtëpi, kamerat kanë kapur një moment intim mes tyre. Teksa ndodheshin pranë njëri-tjetrit dhe po bisedonin qetësisht, Brikena i është afruar Mateos dhe i ka dhënë një puthje, një gjest që është interpretuar nga ndjekësit si një hap i rëndësishëm në raportin e tyre.

Ky moment vjen menjëherë pas spektaklit dhe televotimit të fundit, çka ka bërë që shumë fansa të ngrenë pikëpyetje në rrjetet sociale nëse afrimi mes tyre është thjesht spontan apo ndikuar edhe nga dinamika e lojës dhe presioni i garës.

Gjatë ditëve të fundit, Brikena dhe Mateo janë parë shpesh në shoqërinë e njëri-tjetrit, duke kaluar kohë së bashku dhe duke zhvilluar biseda të gjata, çka kishte bërë që publiku të dyshonte se mes tyre mund të lindte diçka më shumë se një miqësi e thjeshtë.

Megjithatë, puthja e mëngjesit duket se ka konfirmuar se raporti i tyre po bëhet gjithnjë e më i afërt. Reagimet në rrjet kanë qenë të shumta, ku një pjesë e ndjekësve e kanë parë momentin si shumë të ëmbël, ndërsa të tjerë janë shprehur skeptikë, duke e lidhur atë me strategjinë e lojës.

Mbetet për t’u parë nëse ky moment do të shënojë fillimin e një romance të re në shtëpi, apo nëse ishte thjesht një moment spontan mes dy banorëve. Ndërkohë, publiku po e ndjek me shumë interes zhvillimin e raportit mes Brikenës dhe Mateos.