E diagnostikuar fillimisht me kancer gjiri në vitin 2011, Molly iu nënshtrua kimioterapisë dhe mastektomisë së dyfishtë. Por në vitin 2015, mjekët i dhanë lajmin e hidhur se sëmundja ishte përhapur në kocka, tru dhe mëlçi.
Në vend që të bënte atë që bëjnë shumë njerëz në prag të vdekjes – si udhëtimet nëpër botë apo bamirësia – 45-vjeçarja vendosi të kërkonte çlirimin e saj seksual.
Ajo i dha fund martesës së saj 15-vjeçare, të cilën e përshkroi si “pa dashuri”, dhe iu drejtua aplikacioneve të takimeve për të nisur një kapitull të ri. Deri në momentin që ndërroi jetë në vitin 2019, Molly kishte kryer marrëdhënie me 183 burra.
Gjatë këtij rrugëtimi, ajo u shpreh hapur për ndjesitë e saj:
“Seksi më bën të ndihem e gjallë dhe është një shpërqendrim i shkëlqyer nga të qenit e sëmurë. Nuk besoj se do ta kisha bërë ndonjë nga këto gjëra pa kancerin. Edhe pse mbase do të kisha dashur, do të isha treguar shumë më e kujdesshme.”
Ajo shtoi me humor dhe sinqeritet:
“Faktikisht doja të shkoja me këdo dhe gjithçka që shihja. Isha e eksituar gjatë gjithë kohës. Ndihesha sërish si një adoleshente.”
E gjithë kjo eksperiencë u dokumentua në podkastin me gjashtë seri të titulluar “Dying for Sex” (Të vdesësh për seks), të cilin e realizoi me shoqen e saj të ngushtë, Nikki Boyer.
Historia e saj u shndërrua edhe në një serial televiziv me aktoren Michelle Williams, si dhe në një libër me kujtime të titulluar “Screw Cancer: Becoming Whole”.
Në një postim prekës të publikuar në blogun e saj pas vdekjes, titulluar “Unë kam vdekur”, Molly la një mesazh të fortë për vetëdashurinë, ndryshe nga klishetë e zakonshme të njerëzve që largohen nga kjo jetë.
“Shumë njerëz që vdesin, veçanërisht nga kanceri, shkruajnë letra virale për përqafimin e jetës… Unë nuk kam mësime të atilla për të ndarë. Unë e di çfarë bëra në fundin e jetës sime. E di çfarë më solli gëzim,” shkroi ajo.
Përfundimi i saj ishte edhe më domethënës:
“Kuptova se arrita të bie në dashuri. Jam e dashuruar. Me veten time.”
Na mbështesni duke prekur fotot më poshtë.
Faleminderit për përkrahjen tuaj!
