Tronditëse/ Trupi i shqiptarit gjendet i pajetë brenda apartamentit, fqinjët njoftuan Policinë: Vinte erë e keqe

Ngjarja kishte ndodhur prej të paktën një jave sipas autoriteteve dhe banorëve të godinës, pasi fqinjët kishin raportuar një erë të vazhdueshme në shkallët e një ndërtese në qendër të Cuneos.

Kur zjarrfikësit dhe karabinierët arritën të hynin në një nga apartamentet e ndërtesës në ‘Via Luigi Gallo’ dy ditë më parë, ata zbuluan shkakun: një trup i pajetë ishte brenda apartamentit.
Hetimet fillestare tregojnë se i ndjeri ishte një burrë 53-vjeçar me origjinë shqiptare, që duket se jetonte i vetëm, pasi askush nuk ishte interesuar për të.

Ai kishte qenë i vdekur prej disa ditësh dhe hetimi paraprak flet për një fatalitet i ardhur prej shkaqeve natyrore, informon “La Stampa“.

Trupi i tij u transferua në morgun e Cuneos dhe priten procedurat e mëtejshme hetimore, si dhe paraqitja e të afërmve të tij pas identifikimit.