Të paktën shtatë persona humbën jetën, ndërsa një tjetër rezulton i zhdukur pas një shpërthimi të fuqishëm që tronditi një fabrikë në
Shpërthimi ndodhi në një fabrikë të kompanisë bioteknologjike Jiapeng, në Qarkun Shanyin, rreth 400 kilometra në perëndim të Pekinit. Autoritetet lokale reaguan menjëherë, duke mobilizuar zjarrfikësit dhe ekipet e shpëtimit për të ndihmuar viktimat dhe për të kontrolluar situatën.
Operacioni i kërkim-shpëtimit është në kulmin e tij, ndërsa ekipet vazhdojnë përpjekjet për të gjetur personin e zhdukur dhe për të siguruar zonën e rrezikshme. Shkaku i shpërthimit mbetet i paqartë dhe do të hetohet nga autoritetet kompetente.
Aksidentet industriale janë të zakonshme në Kinë, shpesh për shkak të masave të pamjaftueshme të sigurisë dhe mosrespektimit të rregulloreve. Kujtojmë se vetëm në fund të janarit, nëntë persona humbën jetën pas një shpërthimi në një fabrikë çeliku në Mongolinë e Brendshme, incident që nxiti reagime të forta dhe premtime për kontrolle më të rrepta në industri.